Дәмдер туралы талас

Алматы қаласы Білім басқармасы Қалалық білім берудегі жаңа технологиялардың ғылыми-әдістемелік орталығы Bonduelle Kazakhstan компаниясымен бірлесіп, дұрыс тамақтануға арналған «Дәмдер туралы талас/О вкусах спорят» атты жаңа әлеуметтік жобаны іске қосты. Осы жоба шеңберінде Алматы  қаласы  мектептері «Көкөніс айын» өткізуде. Оның мақсаты – балаларға дұрыс тамақтану әдеттерін қалыптастыру және көкөністердің пайдасы туралы айту. Бастауыш сынып оқушылары дұрыс тамақтану туралы көптеген қызықты тапсырмаларды ондау арқылы көкөністердің дәмін, қажеттілігін, тиімділігін біледі!

Атап айтқанда, бастауыш сынып оқушыларының денсаулығын нығайтуға  ықпалы мол жоба шеңберінде №52 жалпы білім беретін мектептің 3 сынып оқушыларына  бірегей сабақ өткізілді. Сабақта оқушылар көкөністердің адам ағзасына пайдасы туралы жан-жақты танысып, білімдерін бекітті. «Дәмдер туралы талас/ О вкусах спорят» жоба координаторлары іс-шараға қатысып, оқушыларға естелік сыйлақтар беріп, Грамотамен марапаттады.